紋身 香港紋身 紋身圖案 TATTOO
HONG KONG TATTOO
潮流紋身無痛紋身
四季之中, 本師父對冬天既感覺特別深刻,可以話去到又愛又恨, 愛恨交纏既地步,(當然
當中仲有唔小刻骨銘心既故事係響冬天發生同終結,而家諗番起,都幾百般滋味湧心頭
架.不過唔好問我咩事,我打死都唔會爆出黎,命仔要緊嘛!!)

早兩日香港得十零度,可謂凍到嘔!!我見地球日漸暧化,咁凍既日子真係買小見小,既然機
會難逢,咪拿拿聲攞個GAS屎爐出黎打邊爐,一家人圍爐廝殺一番,有講有笑,都幾warm
架! 呢種暧笠笠既feel就係我愛冬天既原因.

正是有入必有出,食得飽飽地就梗係要放底幾兩,正當我好瀟洒咁坐落廁板時,我突然有
種莫名既猶疑,彷彿有危險等緊我咁.不過以本師父咁硬直既性格,一於小理,坐底再算,當
我大脾嬌嫩既肌膚接觸廁板果一刻, 廁板的冰冷已經急不及待湧入我體內,我忍唔住”呀”
一聲叫左出黎,仲彈左起身添,最衰係驚動埋門外既老婆同亞仔,係咁敲門問我係咪發生
咩事.成日響佢地面前保持硬漢形象既我,呢一刻真係唔知點答佢地.
呢一坐可以話係我一生中最錯,最後悔莫及既決定,呢種冰冷既感覺就係我最討厭冬天
的原因!!