紋身 香港紋身 紋身圖案 TATTOO
HONG KONG TATTOO
潮流紋身無痛紋身
我有個習慣: 好鐘意望住熟睡中既亞仔, 因為呢個係佢全日最可愛既時段, 我好enjoy, 有
一DAY, 我如常咁痴望住佢, 望望下發覺佢長左, 唔係講緊咩器官, 係講佢身高, 係喎, 唔
驚唔覺佢已經三歲嘞~

隨住年歲既增長, 佢來自天性既超強自我, 堀強既個性, 唔單止冇改善, 仲變本加厲, 完
全目空一切, 完全唔比面人. 真攞膽. 佢呢種性格, 仲搞到佢老豆我亦幾次身陷險境….

話說有次得閒, 同佢兩仔乸落樓下茶記嘆番個high tea, 正當我成口公仔麵之際,突然有
一股殺氣湧現,只見坐響我對家既亞仔 雙眼冒火,直啤向我身後卡位。從佢充滿敵意
既姿態,可以估計到,我身後有條友撩緊亞仔,仲要係男人黎,事關如果係女仔撩
佢,條友只會笑口噬噬,唔會咁樣怒啤人。基於做爸爸既英雄感,我用左最凌厲既眼
神回頭看個究竟,噢,原來係一班温馴既大學生,我都未tone番個慈祥樣比佢地睇,
佢地已經面青青,急急腳埋單走人,哈哈哈,估唔到我D眼神仲咁有殺傷力,雄風猶
在呀!

亞仔亦因佢地既離去而回復天真爛漫既神態,我亦可以埋我口入面既公仔麵嘞。沐
浴響温馨愉快既天倫樂唔夠幾分鐘,亞仔突然又再入魔,目露兇光咁啤番住我後面排
卡位。。。。,梗係又有人撩亞仔啦,小喇叭,阻鬼住我同老婆仔女撐枱腳! 我即時面
黑黑回頭啤個究竟。開頭以為又係D甚麼潺仔强呀,縮骨超呀,儍標之類既疍散人,  
映入眼簾既原來係惡人谷出黎既刀疤強,沙膽超同埋喪標, 一雙雙比我更凌厲既眼神
同亞仔鬥啤緊,佢地見我回頭,就將佢地D殺人目光轉到我身上,喂,各位好漢,冤
有頭債有主,啤開邊個就啤邊個,咪搞錯呀。。。。
班大哥勢兇夾狼,好似想食左我咁,由於本人十分慈祥,費事打傷佢地,所以息事寧
人,拿拿臨起身埋單鬆人。臨走時見收銀果個亞姐係咁望住我,我問佢望咩,佢反問
番我係咪有咩唔舒服,點解面青青,手震震? 咩呀! 我尋晚瞓得唔好之嘛,我無驚
呀,怕咩呀,有殺無賠呀! 走啦,拜拜。。。