紋身 香港紋身 紋身圖案 TATTOO
HONG KONG TATTOO
潮流紋身無痛紋身
以前以為失戀係最傷既, 而家人大個左, 睇野透徹左, 明白到一雞死, 一雞鳴既道理, 女朋友走左,可以追過
第二個, 好閒啫~~但同屋企人反左面就大件事嘞, 正所謂一日父子,一世父子, 段估我冇可能見亞仔同我唔
妥,就飛左佢, 生過第二個補數架?!

本師傅雖然號稱一代橋王, 但其實我氹女也好, 氹亞媽也好, 氹邊個都好, 來來去去都係得一招 —“隔離政
策”, 對住呢個滑溜溜, 左閃右避既兒子, 我都係用呢招!!

所謂“隔離政策”, 就係同亞仔單對單相處, 響冇得選擇之下, 焗佢同我培養感情,
結果我焗左佢去遊地鐵河, 無他既, 貪地鐵冇風景睇又成車陌生人, 對亞仔而言,簡直係舉目無親, 無得走
棧, 哈哈,只可以痴住我呢個”唯一”親人, 哈哈!!
初頭佢唔肯坐我大脾, 咁唯有抱起佢做柱男. 為左防止亞仔忽起上黎又冚我, 我開始教佢搞下D扶手既波波,
搞下D路線圖, 搞下D乘客, 總之就唔好搞我塊面, 我地兩父子就係響左搞搞,右搞搞既情況下, 陪養出感情
來, 大半年之後(冇錯係大半年,喂, 要快既不如淥個麵食算數!!) 佢開始鐘意同我玩嘞, 而我亦逐漸覺得佢唔
係咁乞人憎,仲有d過癮添~~
見呢招work,我緊係挾亞仔密密搭地鐵, 卒之搭到亞仔上哂癮, 而家一得閒就挾番我轉頭,遊地鐵河……搞到
我放親假都要晨早比佢摷醒, 搭車港九新界離島半日遊……….好攰呀…….真係自作孽!!

P.S. 其實而家同亞仔去玩, 我會當佢係玩伴, 好享受, 唔會覺得係盡緊責任湊緊仔, 皆因佢地細蚊仔可以發
掘到D新玩意, 係我地大人從來未諗過既, 又新鮮又過癮!! 反而我地大人玩黎玩去三幅被,千篇一律.
所以建議大家生番個玩下啦!!