紋身 香港紋身 紋身圖案 TATTOO
HONG KONG TATTOO
潮流紋身無痛紋身
亞仔一日一日長大, 唔再buy我D爛gag不特止, 亦開始識得同我爭女!!!
專家話母親係兒子既第一個戀人,所以我順理成章成為亞仔第一個情敵, 佢六個月大懂懂地事開始就對我好
抗拒, 平時已經對我唔瞅唔睬, 有時見到我坐近佢亞媽小小, 佢已經發哂爛渣, 表達不滿, 喊啦, 怒啤我啦, 推
開我啦, 甚至冚我兩巴…. 真忤逆!!

見佢仲細, 慈祥既我諗住忍下佢, 點知佢變本加厲,好似上左癮咁, 成日借D意冚我, 好似好好玩咁, 喂, 大佬,
我都係血肉之驅黎喎, 唔忍得你幾耐架!!
終於有一日, 佢觸發左我既臨界點, 谷爆左……

話說果日我抱住佢入電梯, 佢又”如常”冚我塊面, 仲要陰側側咁笑笑口添……佢呢一笑啟動左我體內既瘋狂
的血, 成個人當堂著哂, 二話不說回番佢一巴, 點知原來佢都有瘋狂的血 (虎父無犬子嘛~~), 佢又反回番我
一巴, 我地就係響你來我往, 霹霹拍拍既互冚聲中搭完呢程電梯, 個戰果係我贏左, 佢從此唔敢再趙我嘞
……但係呢個係表面既結果, 實際上係我輸左~~~
因為呢一戰只係令佢怕左我, 我並冇響佢心入面奠定權威既形象, 從此佢對我只係敢怒不敢言, 平時仲有D
想避開我添……咁既情形, 你話邊個最傷? 我變左大輸家……….

咁既困局, 真係好攞命, 唔通我地兩父子從此決裂, 成為陌路人? 到底出哂名一代橋王既本師傅有冇辦法扭
轉乾坤, 保住呢段父子情呢? 請留意下集大結局!!!!!!!!