紋身 香港紋身 紋身圖案 TATTOO
HONG KONG TATTOO
潮流紋身無痛紋身
上次講到隻手比人鍊住, 心下發毛, 本能驅使下, 想一記鞭搥鞭向隻手既主人, 好在我眼尾瞄到來者原來係亞
婆, 及時急剎先冇搞出人命……
“X那媽, 咁X大風替死麼, 吹到亞婆企都企唔穩…X*&^$@” 亞婆一路爆哂粗係咁鬧, 一路當我柱男咁揸住唔
放. 叮!! 一言驚醒夢中人, 亞婆既謾罵令我通哂, 嘿嘿, 謎底已經解開嘞!!

亞仔嚇親, 根本唔係因為D烏糟野, 而係果D轟轟聲既勁風, 咁又係既, 對於咁細個BB黎講, 咁既風勢已經係
十級巨風, 唔喊至奇. 亦難怪亞婆咁爛口………

等亞婆”用完”我之後 (佢都好老奉, 唔該都冇句就走左), 我就開始返去捉亞仔出黎進行長期特訓……..一有機
會我就帶佢落地鐵站”玩”, 等佢熟習個環境, 就逐次逐次接近”風壓區”, 見佢有D驚就收隊, 久而久之, 亞仔終
於克服左對風壓既驚慌, 仲好似有d enjoy!!
好野, 以後可以搭地鐵, 唔駛轉巴士,轉巴士, 再轉巴士嘞!!!!
而家寫出黎好似好簡單, 其實當時特訓都花左好幾個月時間架. 你知啦, 對細路仔急唔黎嘛.

后記: 勢估唔到本來怕怕既亞仔, 響特訓之后, 基因特變, 愛上搭地鐵, 而家本師父個個禮拜都要陪佢遊一次
地鐵河…..唉…..今均真係好做唔做~~
溫馨提示 : 順便同大家SHARE下, 為左能夠令到亞仔容易D完成特訓, 我用左一招秘技, 就係響亞仔將驚未
驚時, 用我溫暖又柔軟既巨掌輕輕按住佢心口, 咁會令佢充滿安全感, 個人都定D. 萬試萬靈……….