紋身 香港紋身 紋身圖案 TATTOO
HONG KONG TATTOO
潮流紋身無痛紋身
上次講到我地一家急不及待咁衝落地鐵站既時候, 遇到一大阻力, 令揚言坦克車都擋唔住既我
無奈折返, 呢個阻力就係亞仔, 又係佢, 唉唉唉~~
皆因亞仔一落到月台就喊到飛起, 仲要扯住我件衫唔放, 好似慌我扔佢落路軌咁, 搞到驚動埋
站長哥哥帶埋差人哥哥走黎盤我, 唔駛問都知佢地”又”以為我蝦細路啦!! 喂! 亞蛇, 我個樣兇
狠,但為人純品喎!! 好彩我老婆幫我解畫, 唔係番差館都有之!!

據我估計,月台度應該有D野嚇親亞仔, 雖然我急住去街街啫, 但見亞仔喊到咁悽涼, 仲點捨得
逼佢搭地鐵, 唯有死死地氣搭巴士, 再轉巴士, 再轉…….

好似之前奶咀事件咁, 我想召集我班friend, 再次組成專家小組, 調查呢單野, 點知班粉人自稱
有車貴族, 冇咩搭地鐵既經驗, 比唔到意見我. 我唯有靠自己……

幾日之后, 我落到地鐵站實地視察, 睇下有冇D污糟野響度搞事, 唔…..感覺唔到喎, 加上月台乾
淨企理, 環境開揚, 置身其中冇唔舒服既感覺, OK喎. 咁, 係咩驚嚇到亞仔呢?
響我茫無頭緒之際, 剛好有班列車抵達月台, 我拿拿林走到黃線邊緣, 去享受列車帶黎既強勁
風壓, 呢個係我既嗜好, 感覺好free…….I like it!!

響我free緊既時候, 突然感到隻手比人錬住…….喂, 唔通係D污糟野?? 呢一驚非同小可, 搞喊
亞仔既原兇呼之欲出…..仲係果句, 欲知故事發展, 請看下集大結局!!!

P.S. 以前我係可以感受到D污糟野架, 好鬼煩, 不過信番耶穌之后就冇左呢種現象, 唔知佢地係
咪怕左穌哥個牌頭, 唔敢contact我, 舒服哂~~