紋身 香港紋身 紋身圖案 TATTOO
HONG KONG TATTOO
潮流紋身無痛紋身
亞仔三個月大既時候, 香港經歷左一場大風暴 - 沙士, 當時死左唔少人, 搞到全城恐慌, 人心惶
惶, 響街度見到有人個口擘大D都會彈開九丈遠, 有人唔識死打乞嚏既話, 真係分分鐘比人一腳
伸佢出馬路. 我記得香港人都係果時開始有意識載口罩.
做我地呢行既對消毒衛生都會比一般人嚴謹, 所以果排每逢放工入屋前都會防疫一番, 用消毒
藥水向全身裏裏外外噴灑一番, 鞋底都噴埋, 底褲都噴埋 (不過建議男讀者唔好試,
感覺好難受~~~).
而響沙士高峰期果兩個月, 老婆同亞仔幾乎冇出過街, 好似軟禁咁, 換轉係我就癲左嘞, 不過好
彩亞仔果時未識行識走, 唔出街冇咩所謂, 而我老婆有部電視陪佢就可以足不出戶能知天下
劇, 只要我到時到侯提供飲食及日用品, 相信佢可以就咁度過餘生都冇咩問題......
防禦措施可謂萬無一失, 但穩陣計,當然唔小得頻頻接通耶穌大佬既免費求助熱線 -- 祈禱. 又
唔駛錢, 又work, 何樂而不為?
而我地一家就係咁大步檻過呢場風暴. 當政府宣佈香港再冇沙士疫症果一刻, 我地已經著好衫
褲, 著好鞋, 準備出街....哈哈哈.....自由啦!!! 吽左成兩個月冇得囒街, 我已經發哂瘟, 今日就算
有架坦克車襠響我面前我都照沖埋去, 決不回頭, 但當我地落到地鐵站既時侯, 我地遇到一個
大問題, 令我地無法前進..........到底咩料?係咪政府報錯料, 原來沙士未走? 都係果句 -- 下次
再講.

順帶一提, 聽聞沙士之后一年, 香港既出生率飊升, 唔知係咪沙士果排冇街去, D人响屋企冇野
做, 唯有努力做人既結果?!   XDDDD