紋身 香港紋身 紋身圖案 TATTOO
HONG KONG TATTOO
潮流紋身無痛紋身

大家咪睇我個樣咁兇狠, 其實我好鍾意氹人,引人笑, 特別係細蚊仔, 真係笑一笑, 世界更美妙……

亞仔出世之后, 我當然唔會放過佢, 自家出品嘛, 實行日又撩, 夜又撩, 但無論我點樣棟篤笑, 扮哂魚蝦蟹都好, 亞仔都
係當我冇到, 一於拉埋個拉鍊咀, 睬我都有味, 喂, 衰野, 係咪咁寸呀!!!
唉~~自問專業"口花花", 以前氹女仔氹到成為男人既公敵, 搞到有咩gathering呀, party呀D男friend都唔肯叫我去(唔敢至
真!!), 直至近年D細蚊仔喊哂口唔肯食藥, 都比我氹到佢笑哂口咁將D藥當糖食, 真係可以講得上憑住"口花花"呢三個
字橫行省港澳, 但偏偏自己個親生仔唔BUY, 呀!!天妒英才呀!! 真係好hurt, 好hurt.

經歷左無數既挫敗, 我有D死心嘞, 響亞仔兩個月大果陣, 我決定使出我既必殺技!! 如果亞仔咁都唔捧場既話, 我以后
唔會再扮鬼扮馬, 剩係扮鬼嚇佢……谷鬼氣……
D男人可能唔知, 我既必殺技就係我條脷嘞. 當時我突條脷出黎對住亞仔, 用各種不可思義既刁鑽角度起勢咁咈, 一向
對我愛理不理既亞仔終於動容, 用無限驚異既眼神啤住我, 我知佢對我既奇技發生興趣……騎騎, 亞仔真識貨…我立
即谷盡120%功力, 施展渾身解數, …但係整整下我至發覺佢似乎純粹係觀摩性質, 並無打算笑……唉~~~衰左!!

真係萬念俱灰, 沮喪令我既靈魂變得冰冷, 變得空洞, 更令我變得茫茫然, 一個失神, 我個頭"嘭"一聲砍埋張BB床度
……個衰野聽到呢一聲巨響 (真係撞得好應架!!), 竟然"咭"一聲笑左出黎……嘩!!見佢有反應, 我好似中左降頭咁博
命砍多幾野, 事后雖然有D wing wing地, 但係見佢笑個不停, 果種爸爸既成就感令我覺得自己好巴X閉, 感覺好過癮!!
仲好過中六合彩, 或者李家誠比哂份身家我.

勢估唔到就係嘭嘭聲打破左我同亞仔之間既隔閡, 自始之后, 我地既交流多左……佢總係用好期待既眼神望住我
……我知格, 你又想我"嘭"一聲砍頭埋床吖嘛……亞仔, 你係咪想第日冇老豆湊你返學呀?!